ગુજરાત ગૌણ સેવા પસંદગી મંડળ (GSSSB) દ્વારા મહેસૂલ વિભાગ હસ્તકની મહેસૂલ તલાટીની ૨૩૮૯ જગ્યાઓ માટેની પ્રાથમિક પરીક્ષાની તારીખ સત્તાવાર રીતે જાહેર કરી દેવામાં આવી છે. લાંબા સમયથી આ પરીક્ષાની તૈયારી કરી રહેલા લાખો ઉમેદવારો માટે આ એક મોટા સમાચાર છે.
મંડળ દ્વારા પ્રસિદ્ધ થયેલી જાહેરાત ક્રમાંક ૩૦૧/૨૦૨૫૨૬ મુજબ, પ્રાથમિક પરીક્ષા (O.M.R. Based) તા. ૧૪/૦૯/૨૦૨૫ ના રોજ લેવામાં આવશે. પરીક્ષાનો સમય બપોરે ૨:૦૦ થી ૫:૦૦ કલાકનો રહેશે અને તે કુલ ૨૦૦ ગુણની રહેશે.
ગુજરાત મહેસૂલ તલાટી પરીક્ષાની તારીખ જાહેર
- પરીક્ષાની તારીખ: તા. ૧૪/૦૯/૨૦૨૫
- પરીક્ષાનો સમય: બપોરે ૨:૦૦ થી ૫:૦૦ કલાક
- કુલ માર્કસ: ૨૦૦ માર્કસ
ગુજરાત મહેસૂલ તલાટી પરીક્ષા
ઉમેદવારોને ખાસ નોંધ લેવા જણાવવામાં આવે છે કે આ પરીક્ષાના આયોજનમાં કોઈ અનિવાર્ય સંજોગો કે ટેક્નિકલ કારણોસર ફેરફાર થઈ શકે છે. તેથી, પરીક્ષા સંબંધિત કોઈપણ નવા અપડેટ્સ માટે ગુજરાત ગૌણ સેવા પસંદગી મંડળની સત્તાવાર વેબસાઇટ https://gsssb.gujarat.gov.in સમયાંતરે જોતા રહેવું જરૂરી છે.
Important links
મહત્વપૂર્ણ નોંધ
- પરીક્ષા માટેના પ્રવેશપત્ર (Hall Ticket) ડાઉનલોડ કરવાની તારીખ અને પરીક્ષાના કેન્દ્ર અંગેની માહિતી મંડળની વેબસાઇટ પર આગામી સમયમાં જાહેર કરવામાં આવશે.
- પરીક્ષાના દિવસે ઉમેદવારોએ સમયસર પરીક્ષા સ્થળે પહોંચી જવું.
- પ્રવેશપત્ર વગર પરીક્ષા ખંડમાં પ્રવેશ આપવામાં આવશે નહીં.
- પરીક્ષાને લગતા તમામ નિયમોનું પાલન કરવું ફરજિયાત છે.