ગુજરાત સરકારના વન અને પર્યાવરણ વિભાગ દ્વારા ગુજરાત ગૌણ વન સેવા, ક્લાસ III માં ફોરેસ્ટરની ભરતી માટેની પરીક્ષાના નિયમોમાં સુધારો કરીને નવા નિયમોની જાહેરાત કરવામાં આવી છે. ભારતના બંધારણના આર્ટિકલ 309 હેઠળ ગુજરાતના રાજ્યપાલ દ્વારા આ નિયમો ઘડવામાં આવ્યા છે.
ફોરેસ્ટર, વર્ગ III, ગુજરાત ગૌણ વન સેવા, સ્પર્ધાત્મક પરીક્ષા નિયમો, 2025
આ નિયમો ગુજરાતના ઓફિશિયલ ગેઝેટમાં પ્રકાશિત થયાની તારીખથી અમલમાં આવશે. આ નિયમો ફોરેસ્ટર, વર્ગ III ના પદ માટે સીધી ભરતી દ્વારા નિમણૂક માટે પાત્ર વ્યક્તિઓને લાગુ પડશે. આ પરીક્ષાનું આયોજન ગુજરાત ગૌણ સેવા પસંદગી બોર્ડ (GSSSB) દ્વારા કરવામાં આવશે.
પરીક્ષા પદ્ધતિ: બે તબક્કામાં થશે આયોજન
પરીક્ષા બે તબક્કામાં યોજવામાં આવશે:
- લેખિત કસોટી (Written Test): આ પરીક્ષા ઓબ્જેક્ટિવ પ્રકારની (મલ્ટીપલ ચોઈસ ક્વેશ્ચન્સ) રહેશે.
- શારીરિક યોગ્યતા કસોટી (Physical Fitness Test): આ કસોટી ફક્ત ક્વોલિફાઈંગ સ્વરૂપની રહેશે.
લેખિત પરીક્ષામાં કુલ ૨૦૦ ગુણના ૧૦૦ પ્રશ્નો હશે, જેમાં દરેક પ્રશ્નના ૨ ગુણ રહેશે. દરેક ખોટા જવાબ માટે ૦.૨૫ માર્કસ કપાશે. લેખિત પરીક્ષાનો સમયગાળો ૩ કલાકનો રહેશે.
લેખિત પરીક્ષાના મુખ્ય વિષયોમાં જનરલ નોલેજ, જનરલ મેથેમેટિક્સ, ગુજરાતી ભાષા અને કુદરતી પરિબળો જેવા કે પર્યાવરણ અને ઇકોલોજી, વનસ્પતિ, વન્યજીવન, પાણી, માટી, ઔષધીય છોડ અને વન આધારિત ઉદ્યોગોનો સમાવેશ થશે.
મહત્વપૂર્ણ નિયમો અને શરતો
- લાયકાત: ઉમેદવારો પાસે સંબંધિત ભરતી નિયમો અનુસાર જરૂરી શૈક્ષણિક લાયકાત અને અન્ય આવશ્યકતાઓ હોવી જોઈએ.
- વય મર્યાદા: ઉમેદવારોએ બોર્ડ દ્વારા જાહેરાતમાં ઉલ્લેખિત તારીખે મહત્તમ વય મર્યાદા વટાવી ન હોવી જોઈએ.
- અરજી અને ફી: ઉમેદવારોએ નિર્ધારિત સમય મર્યાદામાં અરજી સબમિટ કરવી પડશે અને એકવાર ચૂકવેલી ફી કોઈપણ સંજોગોમાં પરત કરવામાં આવશે નહીં.
- શારીરિક ધોરણો: ઉમેદવારોને શારીરિક યોગ્યતા કસોટી માટે બોલાવતા પહેલા લઘુત્તમ શારીરિક ધોરણો (ઊંચાઈ, છાતી, વજન વગેરે) પૂર્ણ કરવા જરૂરી છે.
- દસ્તાવેજ ચકાસણી: લેખિત અને શારીરિક કસોટીમાં પાસ થયેલા ઉમેદવારોને દસ્તાવેજ ચકાસણી માટે બોલાવવામાં આવશે.
Important link
ગુજરાત ગૌણ સેવા પસંદગી બોર્ડનો ઉમેદવારની પાત્રતા અંગેનો નિર્ણય અંતિમ ગણાશે.