GSSSB Fireman cum Driver Bharti 2025 :ગૌણ સેવા પસંદગી મંડળ દ્વારા 12 પાસ ઉમેદવારો માટે ફાયરમેન કમ ડ્રાઇવર, વર્ગ-૩ ની આવી ભરતી, પગાર ₹ 26,000/-

GSSSB Fireman cum Driver Bharti 2025 : ગુજરાત ગૌણ સેવા પસંદગી મંડળ (GSSSB) દ્વારા શહેરી વિકાસ અને શહેરી ગૃહનિર્માણ વિભાગ હેઠળ ફાયરમેન કમ ડ્રાઇવર, વર્ગ-૩ સંવર્ગની જગ્યાઓ માટે એક મહત્વપૂર્ણ ભરતીની જાહેરાત કરવામાં આવી છે. આ ભરતી પ્રક્રિયા સ્પર્ધાત્મક પરીક્ષા દ્વારા સીધી ભરતીથી કરવામાં આવશે. આ માટે OJAS વેબસાઇટ મારફતે ઓનલાઇન અરજીપત્રકો મંગાવવામાં આવ્યા છે. ઉમેદવારો આ આ તકનો લાભ લઈને સરકારી નોકરી મેળવી શકે છે.

આ ભરતીમાં કુલ ૧૩ જગ્યાઓ માટે અરજીઓ મંગાવવામાં આવી છે. જે ઉમેદવારો શૈક્ષણિક અને શારીરિક લાયકાત ધરાવે છે તેઓ આ ભરતી માટે અરજી કરી શકે છે. અરજી કરવાની પ્રક્રિયા ઓનલાઇન છે અને નિર્ધારિત સમયગાળા દરમિયાન જ ફોર્મ ભરવું જરૂરી છે.

Fireman cum Driver Details

Fireman cum Driver Vacancy: જગ્યાઓ

ગુજરાત ગૌણ સેવા પસંદગી મંડળ દ્વારા ફાયરમેન કમ ડ્રાઇવર, વર્ગ-૩ની કુલ ૧૩ જગ્યાઓ માટે ભરતી જાહેર કરવામાં આવી છે. આ જગ્યાઓમાં કૅટેગરી મુજબ અનામત જગ્યાઓ પણ સામેલ છે. આ ભરતીમાં દિવ્યાંગ ઉમેદવારો ઉમેદવારી નોંધાવી શકશે નહીં.

Fireman cum Driver Eligibility: શૈક્ષણિક લાયકાત

આ ભરતી માટે અરજી કરવા માટે ઉમેદવારે નીચે મુજબની શૈક્ષણિક અને અન્ય લાયકાત ધરાવવી જરૂરી છે:

• ઉચ્ચતર માધ્યમિક શાળાંત પ્રમાણપત્ર પરીક્ષા (HSC) પાસ કરેલ હોવું જોઈએ અથવા સરકાર માન્ય સમકક્ષ લાયકાત.
• રાજ્ય અથવા કેન્દ્ર સરકારની માન્ય સંસ્થામાંથી ફાયરમેનનો છ મહિનાનો અભ્યાસક્રમ અથવા ડ્રાઇવર-કમ-પંપ ઓપરેટરનો અભ્યાસક્રમ પાસ કરેલ હોવું જોઈએ.
• હેવી મોટર વ્હીકલ (Heavy Motor Vehicle) નું માન્ય ડ્રાઇવીંગ લાયસન્સ ધરાવતો હોવો જોઈએ.
• ઉમેદવારે નિર્ધારિત શારીરિક માપદંડ ધરાવતા હોવા જોઈએ.
• ઉમેદવાર કોમ્પ્યુટરનું પાયાનું જ્ઞાન ધરાવતો હોવો જોઈએ.
• ગુજરાતી અથવા હિન્દી અથવા બંને ભાષાનું પૂરતું જ્ઞાન હોવું જોઈએ.

Fireman cum Driver Age Limit: ઉંમર મર્યાદા

અરજી કરવાની છેલ્લી તારીખ એટલે કે ૧૫ સપ્ટેમ્બર ૨૦૨૫ના રોજ ઉમેદવારની ઉંમર ૧૮ વર્ષથી ઓછી નહિ અને ૩૩ વર્ષથી વધુ ન હોવી જોઈએ. અનામત વર્ગના ઉમેદવારો, મહિલા ઉમેદવારો અને માજી સૈનિકોને નિયમોનુસાર વયમર્યાદામાં છૂટછાટ મળવાપાત્ર છે.

Fireman cum Driver Salary: પગાર ધોરણ

આ ભરતીમાં પસંદ થયેલા ઉમેદવારોને પ્રથમ પાંચ વર્ષ માટે પ્રતિ માસ ₹૨૬,૦૦૦નો ફિક્સ પગાર મળશે. પાંચ વર્ષની સંતોષકારક સેવા બાદ, ઉમેદવારને સાતમા પગાર પંચના લેવલ-૨ (₹૧૯,૯૦૦ થી ₹૬૩,૨૦૦) ના પગાર ધોરણમાં નિયમિત નિમણૂક મળવાને પાત્ર થશે.

Fireman cum Driver Apply Online: ફોર્મ કઈ રીતે ભરવું?

આ ભરતી માટે અરજી કરવા માટે ઉમેદવારે ઓનલાઈન ફોર્મ ભરવાનું રહેશે. અરજી ઓનલાઈન OJAS વેબસાઇટ મારફત જ સ્વીકારવામાં આવશે. ફોર્મ ભરવા માટે નીચેના સ્ટેપ્સ અનુસરો:

1. સૌપ્રથમ, OJAS વેબસાઇટ https://ojas.gujarat.gov.in પર જાઓ.
2. “Online Application” માંથી “Apply” પર ક્લિક કરો અને GSSSB સિલેક્ટ કરો.
3. જાહેરાત ક્રમાંક: ૩૪૭/૨૦૨૫૨૬, ફાયરમેન કમ ડ્રાઇવર, વર્ગ-૩ ની જાહેરાત સામે “Apply now” પર ક્લિક કરો.
4. તમામ જરૂરી વિગતો કાળજીપૂર્વક ભરો અને ફોર્મ સબમિટ કરો.
5. ફોર્મ સબમિટ થયા બાદ તેને કન્ફર્મ કરો.

ઉમેદવારોને સલાહ આપવામાં આવે છે કે તેઓ છેલ્લી તારીખની રાહ જોયા વિના વહેલી તકે ફોર્મ ભરી દે.