આજે જાહેર થશે ધોરણ 10 પરિણામ 2025, આ રીતે જોઈ શકશો તમારું પરિણામ

ધોરણ 10ના પરિણામની રાહ હવે થઇ ગઈ છે પૂરી! ગુજરાતના લાખો વિદ્યાર્થીઓ અને વાલીઓ માટે મોટી અપડેટ સામે આવી છે. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા ફેબ્રુઆરી-માર્ચ 2025માં લેવાયેલી ધોરણ 10ની પરીક્ષાનું પરિણામ હવે જાહેર થઈ ગયું છે. કેટલાં માર્ક્સ આવ્યા? રીઝલ્ટ ક્યાં જોઈ શકાય? શું WhatsApp પર પણ મળશે રીઝલ્ટ? આ બધાં પ્રશ્નોના જવાબ સાથે આ લેખમાં તમને મળશે સંપૂર્ણ માહિતી.

ધોરણ 10ના તમામ વિદ્યાર્થીઓ માટે 8 મે 2025 એ મહત્વની તારીખ છે. માત્ર GSEBની વેબસાઇટ નહીં, પણ WhatsApp મારફતે પણ પરિણામ મેળવવાની સરળ રીત ઉપલબ્ધ કરાવવામાં આવી છે. વિદ્યાર્થીઓ, વાલીઓ અને શિક્ષકો માટે ઉપયોગી તમામ વિગતો માટે આ લેખને અંત સુધી જરૂર વાંચો.

ધોરણ 10નું પરિણામ ક્યારે જાહેર થશે?

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ, ગાંધીનગર દ્વારા ફેબ્રુઆરી-માર્ચ 2025માં યોજાયેલી ધોરણ 10ની બોર્ડ પરીક્ષાનું પરિણામ 08 મે 2024ના રોજ સવારે 08:00 કલાકે જાહેર કરવામાં આવશે. આ પરિણામની આતુરતાથી રાહ જોતા વિદ્યાર્થીઓ અને વાલીઓ માટે આ રાહત ભર્યા સમાચાર હતા.

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડે જણાવ્યું હતું કે ધોરણ 10નું પરિણામ, ગુજરાતી અને ઇંગ્લિશ માધ્યમના વિદ્યાર્થીઓ માટે એકસાથે જાહેર કરવામાં આવ્યું છે.

ધોરણ 10નું પરિણામ કેવી રીતે જોવું?

વિદ્યાર્થીઓ પોતાનું પરિણામ GSEBની અધિકૃત વેબસાઇટ www.gseb.org પર જોઈ શકે છે. પરિણામ જોવા માટે વિદ્યાર્થીઓએ પોતાનો બેઠક ક્રમાંક (Seat Number) દાખલ કરવો પડશે. વેબસાઇટ પર ટ્રાફિક વધુ હોઈ શકે છે, તેથી થોડી ધીરજ રાખી પ્રયાસ કરવો. નીચેના સરળ સ્ટેપ્સને અનુસરીને તમે પરિણામ જોઈ શકો છો:

સ્ટેપ 1: તમારા મોબાઇલ કે કમ્પ્યુટરમાં બ્રાઉઝર ખોલો (જેમ કે Chrome, Safari, Firefox).
સ્ટેપ 2: બ્રાઉઝરના એડ્રેસ બારમાં www.gseb.org લખી એન્ટર કરો.
સ્ટેપ 3: GSEBની ઓફિશિયલ વેબસાઇટ ખુલશે. ત્યાં “SSC Result 2025” કે “ધોરણ 10 પરિણામ 2025” પર ક્લિક કરો.
સ્ટેપ 4: એક ફોર્મ જેવી વિન્ડો આવશે, જેમાં તમારો બેઠક ક્રમાંક (Seat Number) દાખલ કરો.
સ્ટેપ 5: “Go” અથવા “Submit” બટન પર ક્લિક કરો.
સ્ટેપ 6: તમારું પરિણામ સ્ક્રીન પર દેખાશે.
સ્ટેપ 7: પરિણામનો સ્ક્રીનશોટ લઈ શકો છો અથવા “Download” બટન હશે તો PDF રૂપે સાચવી શકો છો.

WhatsApp પર ધોરણ 10નું પરિણામ કેવી રીતે જોવું?

ગુજરાત બોર્ડે વિદ્યાર્થીઓની સુવિધા માટે WhatsApp સેવા ઉપલબ્ધ કરાવી છે. વિદ્યાર્થીઓ પોતાનો બેઠક ક્રમાંક WhatsApp પર 6357300971 નંબર પર મોકલીને પરિણામ મેળવી શકે છે. નીચેના સ્ટેપ્સ અનુસાર તમે WhatsApp પર પરિણામ મેળવી શકો છો:

1. તમારું WhatsApp એપ ખોલો.
2. નવા મેસેજ માટે, WhatsApp પર 6357300971 નંબર સેવ કરો.
3. તમારો બેઠક ક્રમાંક (Seat Number) ટાઇપ કરો અને 6357300971 પર મોકલો.
4. બેઠક ક્રમાંક મોકલ્યા પછી, GSEB તમારા પરિણામ સાથેનો મેસેજ મોકલશે.
5. WhatsApp પર તમે તમારું પરિણામ, માર્કસ અને અન્ય જરૂરી માહિતી પ્રાપ્ત કરી શકશો.

પરિણામ પછી શું?

મૂળ માર્કશીટ: ઓનલાઇન પરિણામ ફક્ત પ્રોવિઝનલ હોય છે. વિદ્યાર્થીઓએ પોતાની મૂળ માર્કશીટ મેળવવા માટે તેમની શાળાનો સંપર્ક કરવો પડશે.

રિ-ચેકિંગ/રિ-ઇવેલ્યુએશન: જો વિદ્યાર્થીઓને પોતાના માર્ક્સ સાથે અસંતોષ હોય, તો તેઓ મે 2025માં GSEBની વેબસાઇટ પરથી રિ-ઇવેલ્યુએશન માટે અરજી કરી શકે છે.

સપ્લીમેન્ટરી પરીક્ષા: જે વિદ્યાર્થીઓ 33% ન્યૂનતમ માર્ક્સ મેળવવામાં નિષ્ફળ રહ્યા હોય, તેઓ જૂન/જુલાઈ 2025માં સપ્લીમેન્ટરી પરીક્ષા આપી શકે છે. આ પરીક્ષાનું પરિણામ જુલાઈ 2025માં જાહેર થશે.

મહત્વપૂર્ણ લિંક

આ લેખ દ્વારા અમે તમને ધોરણ 10ના પરિણામ અંગે સંપૂર્ણ અને સચોટ માહિતી આપવાનો પ્રયાસ કર્યો છે. વધુ અપડેટ્સ માટે GSEBની ઓફિશિયલ વેબસાઇટ અને અમારા પોર્ટલ સાથે જોડાયેલા રહો.