ગુજરાત ગૌણ સેવા પસંદગી મંડળ દ્વારા ટેકનીકલ આસિસ્ટન્ટ, વર્ગ-3 ની ભરતી જાહેર, પગાર 49,600/-

GSSSB Technical Assistant Recruitment 2025 : ગુજરાત ગૌણ સેવા પસંદગી મંડળ (GSSSB) દ્વારા ઉદ્યોગ અને ખાણ વિભાગના નિયંત્રણ હેઠળના કમિશનરશ્રી, કુટીર અને ગ્રામોદ્યોગની કચેરી, ગાંધીનગર હસ્તકના ટેકનીકલ આસીસ્ટન્ટ, વર્ગ-૩ સંવર્ગની કુલ 08 જગ્યાઓ પર સીધી ભરતી માટે સત્તાવાર નોટિફિકેશન બહાર પાડવામાં આવ્યું છે.

આ ભરતી પ્રક્રિયા 05 જુલાઈ 2025 (બપોરના 14:00 કલાક) થી શરૂ થઈ ગઈ છે અને અરજી કરવાની છેલ્લી તારીખ 20 જુલાઈ 2025 (સમય 23:59 કલાક સુધી) છે. આ નોટિફિકેશન, જે ગુજરાત ગૌણ સેવા પસંદગી મંડળની સત્તાવાર વેબસાઈટ પર ઉપલબ્ધ છે, તેમાં ભરતી સંબંધિત તમામ મહત્વપૂર્ણ વિગતો શામેલ છે.

મહત્વપૂર્ણ તારીખો

GSSSB ટેકનીકલ આસીસ્ટન્ટ ભરતી 2025 સંબંધિત મુખ્ય તારીખો નીચે મુજબ છે:

• ઓનલાઈન અરજી શરૂ થવાની તારીખ: 05 જુલાઈ 2025 (14:00 કલાક)
• ઓનલાઈન અરજી અને ફી ભરવાની છેલ્લી તારીખ: 20 જુલાઈ 2025 (23:59 કલાક સુધી)
• પરીક્ષાની તારીખ: નિર્ધારિત સમયપત્રક મુજબ (પછીથી જાહેર કરવામાં આવશે)
• એડમિટ કાર્ડ ઉપલબ્ધ થવાની તારીખ: પરીક્ષા પહેલા

ઉમેદવારોને વિનંતી છે કે તેઓ છેલ્લી ઘડીની રાહ જોયા વિના વહેલી તકે અરજી પ્રક્રિયા પૂર્ણ કરી લે.

પદની વિગતો અને પાત્રતા માપદંડ

• પદનું નામ: ટેકનીકલ આસીસ્ટન્ટ, વર્ગ-૩ (Technical Assistant, Class-3)
• કુલ જગ્યાઓ: 08
• વય મર્યાદા (20.07.2025 ની સ્થિતિએ): ન્યૂનતમ 18 વર્ષ અને મહત્તમ 35 વર્ષ. અનામત શ્રેણીના ઉમેદવારોને સરકારી નિયમો મુજબ વય મર્યાદામાં છૂટછાટ મળશે.
• શૈક્ષણિક લાયકાત:
  • ઓટોમોબાઈલ, કેમિકલ, કોમ્પ્યુટર, ઇલેક્ટ્રિકલ અને ઇલેક્ટ્રોનિક્સ, ઇલેક્ટ્રિકલ, ઇન્ફોર્મેશન ટેકનોલોજી, ઇન્સ્ટ્રુમેન્ટેશન અને કંટ્રોલ, મિકેનિકલ, મેકાટ્રોનિક્સ, મેટલર્જી, પ્લાસ્ટિક ટેકનોલોજી, પાવર ઇલેક્ટ્રોનિક્સ, ટેક્સટાઇલ પ્રોસેસિંગ ટેકનોલોજી અથવા ટેક્સટાઇલ મેન્યુફેક્ચરિંગ ટેકનોલોજીમાં માન્ય યુનિવર્સિટી/સંસ્થામાંથી એન્જિનિયરિંગની ડિગ્રી.
  • અથવા ઉપર દર્શાવેલ વિષયોમાં એન્જિનિયરિંગમાં ડિપ્લોમા અને સરકારી અથવા સ્થાનિક સંસ્થાઓ અથવા સરકારી ઉપક્રમ બોર્ડ અથવા કોર્પોરેશન અથવા કંપનીઝ એક્ટ, 2013 હેઠળ સ્થાપિત મર્યાદિત કંપનીમાં સંબંધિત ટ્રેડમાં આશરે 2 વર્ષનો અનુભવ.
  • ગુજરાત સિવિલ સર્વિસ ક્લાસિફિકેશન અને રિક્રુટમેન્ટ (જનરલ) નિયમો, 1967 માં નિર્ધારિત કોમ્પ્યુટર એપ્લિકેશનનું મૂળભૂત જ્ઞાન. (આ પ્રમાણપત્ર નિમણૂક પહેલા રજૂ કરી શકાશે.)
  • ગુજરાતી અથવા હિન્દી અથવા બંને ભાષાનું પર્યાપ્ત જ્ઞાન.
• અનુભવ: ડિપ્લોમા ધારકો માટે, સરકારી અથવા સ્થાનિક સંસ્થાઓ અથવા સરકારી ઉપક્રમ બોર્ડ અથવા કોર્પોરેશન અથવા કંપનીઝ એક્ટ, 2013 હેઠળ સ્થાપિત મર્યાદિત કંપનીમાં સંબંધિત ટ્રેડમાં આશરે 2 વર્ષનો અનુભવ ફરજિયાત છે.

પગાર ધોરણ

ટેકનીકલ આસીસ્ટન્ટ, વર્ગ-૩ પદ માટે પ્રારંભિક બેઝિક પગાર ₹49,600/- (માસિક ફિક્સ) પ્રથમ પાંચ વર્ષ માટે રહેશે. આ ઉપરાંત, પાંચ વર્ષની સંતોષકારક સેવા પછી, સંબંધિત કચેરીમાં 7મા પગાર ધોરણ મુજબ ₹39,900/- થી ₹1,26,600/- (લેવલ-7) માં નિયમિત નિમણૂક મેળવવાને પાત્ર થશે.

પસંદગી પ્રક્રિયા

પસંદગી પ્રક્રિયામાં મુખ્યત્વે નીચેના તબક્કાઓનો સમાવેશ થઈ શકે છે:

1. ઓનલાઈન પરીક્ષા: MCQ-OMR / MCQ- Computer Based Response Test (CBRT).
2. મેરિટ લિસ્ટ: સ્પર્ધાત્મક પરીક્ષામાં મેળવેલા ગુણના 5% વધારાના ગુણ રમતવીરોને અને વિધવા મહિલા ઉમેદવારોને (પુન: લગ્ન ન કર્યા હોય તો) આપવામાં આવશે.
3. પ્રમાણપત્રોની ચકાસણી: અરજીમાં દર્શાવેલી વિગતોને અનુરૂપ પ્રમાણપત્રો મંડળ માંગે ત્યારે ઉમેદવારે રજૂ કરવાના રહેશે.

નોંધ: ઓનલાઈન અરજી કન્ફર્મ થયા બાદ તેમાં કોઈ ફેરફાર શક્ય નથી. ખોટી કે અધૂરી વિગતોને કારણે અરજી રદ થઈ શકે છે.

અરજી કેવી રીતે કરવી?

ગુજરાત ગૌણ સેવા પસંદગી મંડળ (GSSSB) માં ટેકનીકલ આસીસ્ટન્ટ, વર્ગ-૩ પદ માટે ઓનલાઈન અરજી કરવા માટે નીચેના પગલાં અનુસરો:

• સત્તાવાર વેબસાઇટની મુલાકાત લો: સૌથી પહેલા, ગુજરાત ગૌણ સેવા પસંદગી મંડળની સત્તાવાર વેબસાઇટ ojas.gujarat.gov.in પર જાઓ.
• ભરતી વિભાગ શોધો: વેબસાઇટ પર “Online Application” માં “Apply” પર ક્લિક કરો અને GSSSB સિલેક્ટ કરો.
• સત્તાવાર નોટિફિકેશન જુઓ: જાહેરાત ક્રમાંક: 319/202526, ટેકનીકલ આસીસ્ટન્ટ, વર્ગ-૩ સંવર્ગની જાહેરાત માટે “More Details” પર ક્લિક કરીને વિગતવાર જાહેરાત વાંચો.
• ઓનલાઈન અરજી કરો: “Apply now” પર ક્લિક કરો.
• વિગતો ભરો: સૌ પ્રથમ “Personal Details” ભરો. ત્યારબાદ “Educational Details” ભરો. જરૂરી વિગતો કાળજીપૂર્વક અને સાચી રીતે ભરો.
• દસ્તાવેજો અપલોડ કરો: તમારા પાસપોર્ટ સાઇઝનો ફોટોગ્રાફ (5 સે.મી. ઊંચાઈ, 3.6 સે.મી. પહોળાઈ) અને સહી (2.5 સે.મી. ઊંચાઈ, 7.5 સે.મી. પહોળાઈ) JPG ફોર્મેટમાં (15 KB થી વધુ ન હોય) અપલોડ કરો. ફોટો વાઈટ બેકગ્રાઉન્ડ વાળો અને ફોટો પડાવ્યાની તારીખ સાથેનો હોવો જોઈએ જે અરજીની છેલ્લી તારીખથી 1 વર્ષ પહેલાનો ન હોય.
• અરજી કન્ફર્મ કરો: “Confirm Application” પર ક્લિક કરો અને એપ્લિકેશન નંબર તથા જન્મતારીખ ટાઈપ કરીને અરજી કન્ફર્મ કરો. એકવાર કન્ફર્મ થયા પછી કોઈ ફેરફાર શક્ય નથી.
• અરજીની પ્રિન્ટઆઉટ લો: સફળતાપૂર્વક અરજી સબમિટ કર્યા પછી, ભવિષ્યના સંદર્ભ માટે એપ્લિકેશન ફોર્મની પ્રિન્ટઆઉટ અને કન્ફર્મેશન નંબર સાચવી રાખો.

અહીં જુઓ અરજી લિંક અને નોટિફિકેશન

અમારા WhatsApp ગ્રુપમાં જોડાવા માટે અહીં ક્લિક કરો

GSSSB ટેકનીકલ આસીસ્ટન્ટ ભરતી 2025 અરજી માટેની લિંક

GSSSB ટેકનીકલ આસીસ્ટન્ટ ભરતી 2025 સંપૂર્ણ વિગતવાર નોટિફિકેશન અહીં જુઓ

અન્ય મહત્વપૂર્ણ સૂચનાઓ

• ઉમેદવારો એક જ અરજી કરી શકે છે. જો એકથી વધુ અરજી કરવામાં આવશે, તો છેલ્લી કન્ફર્મ થયેલી અરજી માન્ય ગણાશે અને અન્ય રદ થશે.
• વયમર્યાદામાં છૂટછાટ અને અનામત વર્ગોનો લાભ ફક્ત ગુજરાતના મૂળ અનુસૂચિત જાતિ, અનુસૂચિત જનજાતિ, સામાજિક અને શૈક્ષણિક પછાત વર્ગના ઉમેદવારોને જ મળશે.
• સામાજિક અને શૈક્ષણિક રીતે પછાત વર્ગના ઉમેદવારોએ નિર્ધારિત નમૂનામાં નોન-ક્રીમીલેયર સર્ટિફિકેટ રજૂ કરવું ફરજિયાત છે. પરિણીત મહિલા ઉમેદવારોએ તેમના માતા-પિતાની આવકના સંદર્ભમાં પ્રમાણપત્ર રજૂ કરવાનું રહેશે.
• કમ્પ્યુટરનું બેઝિક જ્ઞાન હોવું જરૂરી છે, અને તેનું પ્રમાણપત્ર નિમણૂક પહેલા રજૂ કરવાનું રહેશે.
• રમતોમાં ભાગ લીધેલા ઉમેદવારોને (રાષ્ટ્રીય/આંતરરાષ્ટ્રીય/આંતર યુનિવર્સિટી/અખિલ ભારત શાળા સંઘ દ્વારા યોજાતી સ્પર્ધાઓ) પરીક્ષામાં મેળવેલા ગુણના 5% વધારાના ગુણ મળશે.
• વિધવા મહિલા ઉમેદવારોને પણ પરીક્ષામાં મેળવેલા ગુણના 5% વધારાના ગુણ મળશે, જો તેઓએ નિમણૂક સમયે પુનઃ લગ્ન ન કર્યા હોય.

ઉમેદવારોને સલાહ આપવામાં આવે છે કે તેઓ અરજી કરતા પહેલા ગુજરાત ગૌણ સેવા પસંદગી મંડળની સત્તાવાર વેબસાઈટ પર ઉપલબ્ધ સંપૂર્ણ નોટિફિકેશન કાળજીપૂર્વક વાંચી લે.